کراچی پریس کلب میں ایسوسی ایشن آف کیمرہ جرنلسٹ کے الیکشن میں الطاف حسین صدر ، سید امتیاز علی نائب صدر، کامران الدین خازن، محمد ریحان جنرل سیکرٹری، طلحہ بختیار جوائنٹ سیکرٹری منتخب ہوگئے۔ صدارت کے لئے دانش شکیل، رمیز اور عبدالقیوم بھی امیدوار تھے لیکن الطاف حسین ایک سو گیارہ ووٹ لے کر کامیاب قرار پائے۔ نائب صدر کے لئے امتیاز علی نے ایک سو انتیس ووٹ لے کر قاضی ہالار کو شکست تھی، خازن کی نشست کےکیلئے کامران الدین نے ایک سو اٹھائیس ووٹ لئے، مقابلے میں عمران گیلانی اور میراطہر عباس تھے، جنرل سیکرٹری کی پوسٹ کے لئے محمد ریحان ایک سو اٹھارہ ووٹ لے کر جیت گئے ان کے مقابلے میں آصف جئے جا اور محمد نبیل تھے۔ جوائنٹ سیکرٹری پر طلحہ بختیار کو ایک سو اٹھائیس ووٹ ملے مقابلے میں علی احمد جان ایک سو تیرہ ووٹ لے سکے۔مجلس عاملہ یعنی گورننگ باڈی کے لئے سلمان مصطفیٰ ایک سو سینتیس ووٹ، عامر جمیل ایک سو پینتیس ووٹ، دانیال احمد ایک سو بائیس ووٹ، عمران علی شاہ ایک سو اکیس ووٹ، ہارون زادہ ایک سو انیس ووٹ، سہیل برفت ایک سو سولہ ووٹ اور آصف اقبال ایک سو چودہ ووٹ لے کر منتخب ہوئے۔
