میڈیا انڈسٹری کے حوالے سے ایک بڑا نام عابد عبداللہ نے دن گروپ کو بطور صدر جوائن کرلیا ہے۔۔ وہ اس سے پہلے جنگ،جیو گروپ، ایکسپریس گروپ، انٹرفلو ایڈورٹائزنگ ایجنسی اور جہان پاکستان میں اپنے فرائض انجام دے چکے ہیں۔۔ اس سے قبل میڈیا انڈسٹری اور خصوصا اخبارات میں جاری برطرفیوں کے نئے سلسلے میں روزنامہ جہان پاکستان کے مالکان نے عابد عبداللہ سمیت متعدد افراد کو ایک ہی جھٹکے میں ادارے سے فارغ کردیا ۔ اطلاعات کے مطابق کراچی لاہور اور اسلام آباد سے 65 سے زائد افراد کو نکالا گیا ہے جس میں سب سے زیادہ تعداد کراچی اسٹیشن سے نکالے جانے والوں کی شامل ہے۔پپو کے مطابق یہ سب صحافتی تنظیموں اور لیڈران کی خاموشی کی وجہ سے ہو رہا ہے اگر وقت پر ہی مالکان کے سامنے کھڑے ہوجاتے تو نوبت یہاں تک نہ پہنچتی۔ جب جس میڈیا مالک کا دل کرتا ہے صحافیوں اور دیگر ملازمین کو نکال باہر کرتا ہے کیونکہ اسے معلوم ہے کہ اب صحافتی تنظیموں اور ان کے لیڈران میں دم خم نہیں رہا۔۔۔۔
