وزیر اطلاعات پنجاب عظمیٰ بخاری نے کہا ہے کہ ”اب میں وزیروں جیسی خود اعتمادی دکھاؤں گی اور کسی قسم کا لاڈ نہیں ہوگا۔“لاہور میں صحافیوں سے گفتگو کرتے ہوئے عظمیٰ بخاری نے بیان دیا کہ اب بھائی بیٹے والی بات ختم ہو گئی ہے، مجھے وزیروں والی خود اعتمادی میں رہنا چاہیے، جو لوگ مجھے میری حیثیت دکھاتے ہیں، انہیں اپنی حیثیت پر غور کرنا چاہیے۔عظمیٰ بخاری نے رپورٹرز سے کہا کہ ”کل کو اگر آپ کے زمینی خداؤں کو یہ محسوس ہوا کہ میں انہیں تشدد کی دھمکی دے رہی ہوں، تو مجھے معاف کر دیں، میں ایک سادہ انسان ہوں۔“گفتگو کے دوران جب ایک صحافی نے انہیں ”آپا“ کہہ کر پکارا تو انہوں نے جواب میں کہا کہ ”آج سے کوئی ’آپا‘ نہیں ہے۔ مجھے وزیروں والی خود اعتمادی میں رہنا چاہیے۔ میں نے آپ لوگوں کو اپنے چھوٹے بھائیوں اور بیٹوں کی طرح سمجھا، مگر اب مجھے ویسا کہنے میں ہچکچاہٹ محسوس ہوگی۔“صحافی نے وزیر اطلاعات سے پوچھا کہ ”وزیروں والی خود اعتمادی“ کیا ہوتی ہے، جس پر عظمیٰ بخاری نے کہا، ”یہی خود اعتمادی ہے جو مجھے سکھائی گئی ہے۔ میں نے ہمیشہ آپ کو اپنے بچوں اور چھوٹے بھائیوں کی طرح سمجھا، اور میں آپ لوگوں کے لیے جو کچھ کر سکتی ہوں، کروں گی۔ مگر آئندہ ’آپا‘ کی بات نہیں ہوگی۔
