آپ نیوز کے آن ایئر ہونے کی ایک اور تاریخ دے دی گئی۔۔ پپو اس حوالے سے جو مخبریاں دیتا رہا، آپ نیوز انتظامیہ اپنے ہی تیارمنصوبوں کو خود ہی عملی جامہ نہیں پہنا سکی، اب پھر پپو نے انکشاف کیا ہے کہ ۔۔آپ میڈیا نیٹ ورک اپنے دو نئے چینل انڈس نیوز انگریزی اور آپ نیوز اردو کی آئندہ ماہ سے ٹیسٹ ٹرانسمیشن کا آغاز کررہا ہے۔۔پپو کے مطابق نومبر کے پہلے عشرے میں انگریزی چینل اور دوسرے عشرے میں اردو چینل کی ٹیسٹ ٹرانسمیشن کا آغاز کردیا جائیگا۔۔پپو کا مزید کہنا ہے کہ آپ میڈیا نیٹ ورک کے مختلف شعبہ جات میں بھرتیوں کا سلسلہ بھی شروع ہوچکا ۔۔ چند روز قبل آپ میڈیا نیٹ ورک کے لاہور ہیڈ آفس کا باقائدہ افتتاح بھی کیاگیا،جب کہ ایم ڈی آپ میڈیا نیٹ ورک جنید اقبال خود مختلف شہروں کے بیورو دفاترز کا دورہ بھی کررہے ہیں اور تیاریوں کا جائزہ لے رہے ہیں،اب تک ملک بھر میں قائم آپ میڈیا نیٹورک کے ہیڈ آفس سمیت تین بیورو آفس تیار ہوسکے ہیں جن میں اسلام آباد, فیصل آباد اور گوجرانوالہ شامل ہیں جبکہ کراچی بیورو کا کام جاری ہے اورپشاور, کوئٹہ, ملتان, مظفرآباد, سکھر , حیدرآباد, اور دیگر بیورودفاترتیاری کے مراحل میں ہیں
