آپ نیوز کے معاملات نئی انتظامیہ کے ہاتھوں سنبھل کر نہیں دے رہے۔۔پپو نے انکشاف کیا ہے کہ جمعہ کو آپ نیوزکے دو شعبوں کری ایٹو اور ڈیجیٹل نے سیلری نہ ملنے تک کام چھوڑ ہڑتا کردی تھی۔۔ نیوز والوں نے نئی انتظامیہ کی یقین دہانی پر ہفتے کے روز تک سیلری کا انتظار کیا لیکن وہ نہیں ملی جس کے بعد امکان ہے کہ پیر کے روز سے نیوز کا شعبہ بھی کام چھوڑ ہڑتال کرے گا۔۔پپو کا کہنا ہے کہ یہ ہڑتال بہت سخت قسم کی ہوگی، کارکنان ہیڈآفس کے باہر دھرنا دیں گے اور کسی کو کام بھی نہیں کرنے دیں گے۔۔ خاتون سی ای او کی دلچسپی کا یہ عالم ہے کہ چار روز سے وہ آفس نہیں آئیں۔۔پپو کے مطابق ملک ریاض ریئل اسٹیٹ کے ٹائیکون اور کامیاب ترین ڈویلپرز میں شمار ہوتے ہیں، لیکن میڈیا شاید انکو راس نہیں آتا، روزنامہ جناح اخبار کو دیکھ لیں، جو فلاپ رہا۔۔ پھر انکا دنیا نیوز پر مبشر لقمان اور مہر بخاری کیساتھ ٹاک شو دیکھ لیں، آف دی ریکارڈ ایسی مشہوری ہوئی کے دونوں اینکرز کی دنیا نیوز سے چھٹی ہو گئی، ویسے اسکے بعد مبشر وہ ریٹنگز ناں لے سکے جو انکا خاصہ رہا ہے۔۔آپ نیوز کے جب تک آفتاب اقبال سربراہ تھے تب تک یہ چینل کامیابی کی منازل طے کررہا تھا۔۔لیکن ملک ریاض اینڈ کمپنی نےجب اس کی باگ ڈور سنبھالی ہے ،صورتحال گھمبیر ہوتی جارہی ہے۔۔ پپو کا کہنا ہے کہ ملک ریاض جب تک اس پراجیکٹ کو خود نہیں دیکھیں گے،تب تک مسئلہ حل ہوتا دکھائی نہیں دے رہا۔۔
