آپ نیوز میں  ملازمین کے تمام واجبات کلیئر۔۔

آپ نیوز میں تنخواہیں وقت پر ملنے کی وجہ سے ملازمین میں مثبت خوشی پائی جاتی ہے – اُن دنوں میں کہ جب میڈیا ملازمین سمیت پوری دنیا کرونا کے خوف کی وجہ معاشی تنگی کا شکار ہے بروقت تنخواہ اور مراعات کا ملنا کسی نعمت سے کم نہیں۔۔جب اس سلسلے میں تصدیق کے لئے  آپ نیوز کے واحد ہائیلی ریٹڈ شو “دی ایڈیٹوریل” کے اینکر و ایگزیکٹو پروڈیوسر جمیل فاروقی سے از راہ تفنن پوچھا تو انہوں جواب میں سنجیدگی اختیار کرتے ہوئے آپ نیوز کی نئی منیجمنٹ کی تعریف کی – جمیل فاروقی کا کہنا تھا کہ ثانیہ ملک کےبطور سی ای او جوائن کرنے کے بعد ان سمیت تمام ملازمین کے بقایا جات بشمول پیٹرول واجبات کلئیر کر دئیے گئے ہیں جبکہ وقت پر مل رہی ہے جبکہ کرونا وائرس سے پیدا شدہ پیچیدہ صورتحال میں مینیجمنٹ ملازمین کے ساتھ بھرپور تعاون کر رہی ہے – ماسک سینیٹائزر اور گلوز مفت فراہم کئے جارہے ہیں جبکہ تمام ملازمین کو بلاتخصیص ڈیوٹی اوقات کار کے دوران دن میں دو دقت کا کھانا مفت دیا جاتا ہے – انہوں نے وضاحت کی کہ میڈیا میں بڑی تنخواہوں والے اینکرز کے لئے یہ چیزیں شاید اتنی معانی نہ رکھتی ہوں لیکن ٹیکنیکل اسٹاف سیکیورٹی گارڈز اور کیمرا مینوں کےلئے یہ انتہائی احسن اقدام ہے جس کے لئے آپ نیوز انتظامیہ اور ڈائریکٹرز داد کے مستحق ہیں۔۔