معروف اداکارہ کبری خان آئیٹم سانگ کے خلاف بول پڑیں اورکہا ہرفلم میں آئیٹم سانگ ہونا ضروری نہیں، مستقبل میں کسی بھی ایسے گانے میں وہ پرفارم کرنے کا ارادہ نہیں رکھتیں۔ایک انٹرویو میں کبری خان نے بتایا کہ ان کو معلوم نہیں تھا کہ سپر اسٹار فلم میں جس گانے میں انہوں نے پرفارم کرنا ہے وہ آئیٹم نمبر ہے ۔ انہوں نے کہا کہ میں شوٹ پر پہنچی تو معلوم ہوا کہ آئیٹم نمبر ہونے جارہا ہے ۔ انہوں نے کہا کہ آئیٹم نمبر چونکہ ان کے مزاج کے مطابق نہیں، تاہم چونکہ وہ زبان دے چکی تھیں اسی لیے انہوں نے دھڑک بھڑک گانے میں پرفارم کیا تاہم اس دوران وہ خود کوبہترمحسوس نہیں کررہی تھیں۔ کبری نے کہا کہ وہ اب مستقبل میں اب کبھی بھی آئیٹم نمبر پر ڈانس نہیں کریں گی۔ انہوں نے کہا ان کو ڈانس کرنا یا رومانوی گانوں میں پرفارم کرنا پسند ہے ۔ انہوں نے مزید کہا کہ اب مستقبل میں کوئی ایسا کام ہوا تو چاہیے میں بری بن جاﺅں مگر میں آئیٹم سانگ پر پرفارم نہیں کرونگی۔
