خاتون رپورٹر کی گاڑی کو حادثہ، ایک طالبہ جاں بحق۔۔

ہم نیوز کی خاتون کورٹ رپورٹر نے راولپنڈی میں اسکول کی طالبات کو کچل دیا۔ایک طالبہ جاں بحق دو زخمی ہوگئیں۔۔ اطلاعات کے مطابق ہم نیوز کی خاتون کورٹ رپورٹر ہفتہ کی صبح اپنے بچوں کو اسکول چھوڑنے کے لئے جارہی تھیں، کہ راولپنڈی کے تھانہ ویسٹریج کے علاقے میں گاڑی ان سے بے قابو ہوگئی جس کے نتیجے میں اسکول جانے والی طالبات گاڑی کے نیچے آگئیں، جس میں ایک طالبہ جاں بحق دو زخمی ہوگئیں۔۔ ہم نیوز کے اسلام آباد بیورو سے ملنے والی اطلاعات کے مطابق  تھانہ ویسٹریج پولیس نے ملزمہ کو گرفتار کرلیا ہے۔ یہ پتہ لگا ہے کہ خاتون رپورٹر نے حادثے کے بعد پولیس اور ریسکیو والوں کو خود اطلاع دی ، مبینہ طور پر یہ بھی کہاجارہا ہے کہ خاتون رپورٹر کو ہراسانی کا سامنا تھا، کوئی نامعلوم موٹرسائیکل سوار ان کی گاڑی کا پیچھا کررہا تھا جس سے وہ گھبرا گئیں اور نتیجے میں حادثہ پیش آگیا۔۔ اسلام آباد کے مقامی صحافیوں کا کہنا ہے کہ ملزمہ کو اتوار کے روز مجسٹریٹ کی عدالت میں پیش کیا جائے گا۔۔