24نیوزکراچی بیورو میں بڑی تبدیلیاں دیکھنے میں آئی ہیں۔۔ پپو کے مطابق کراچی بیورو کے تین اسائنمنٹ ایڈیٹرز (ج۔۔ذ۔۔م) کو فارغ کردیاگیا ہے ان سب کو باری باری فون پر کہاگیا ہے کہ سترہ جولائی ان کا ادارے میں آخری دن ہوگا۔۔ پپو کا مزید کہنا ہے کہ ایک صاحب کو لندن سے بیوروچیف بنا کر کراچی لایاگیا ہے،جن کا بستر بھی آفس میں ہی لگ گیا ہے وہ اب آفس میں ہی رہا کریں گے۔۔ لاہور سے ایک اسائنمنٹ ایڈیٹر کو ہیڈ بناکربھیجا جارہا ہے۔۔ پپو کے مطابق ڈائریکٹر نیوز بھی کراچی میں پائے گئے انہوں نے سابق بیوروچیف کو کھانا وانا تو کھلایا لیکن ہری جھنڈی دکھادی۔۔سابق بیوروچیف اب رپورٹر کی حیثیت سے کام کریں گے۔۔۔پپو نے انکشاف کیا ہے کہ مزید رپورٹرز اور کیمرہ مین کا نمبر بھی لگا ہوا ہے جنہیں جلد فارغ کیا جائے گا، پپو کے مطابق کراچی بیورو کے نیوزروم کا اے سی خراب ہے اور ورکرز شدید گرمی میں کام کرنے پر مجبور ہیں ساتھ ہی دفتر کی گاڑیاں خراب ہیں لیکن کسی کو توفیق نہیں کہ اسے ٹھیک کرادے۔۔
