دوسو ڈمی اخبارات کی نشاندہی،سرکاری اشتہارات سے پیسہ بنارہے ہیں۔۔

پریس انفارمیشن ڈیپارٹمنٹ (پی آئی ڈی) نے مبینہ طور پر 200 سے زیادہ  ڈمی اخبارات کی  نشاندہی کی ہے جن کے بارے میں خیال کیا جاتا ہے کہ وہ سرکاری اشتہارات حاصل کرتے ہیں۔پی آئی ڈی نے اس سے قبل پورے ملک میں اشاعتوں کو ہموار کرنے کے لیے حاضری کا ایک آن لائن طریقہ کار شروع کیا تھا۔ نئے نظام کے تحت اخبارات کو اپنے پرنٹ شدہ ایڈیشن کی کاپی پی آئی ڈی اسلام آباد یا کراچی، لاہور، پشاور، کوئٹہ، حیدرآباد، فیصل آباد، ملتان، گلگت، لاڑکانہ اور اسکردو کے علاقائی اطلاعاتی دفاتر میں جمع کرانی ہوگی تاکہ وہ اپنی صداقت اور وجود کو ثابت کرسکیں۔پی آئی ڈی نے  سینٹرل میڈیا لسٹ (سی ایم ایل) سے ان  ڈمی اشاعتوں کو ہٹانے کا بھی مطالبہ کیا ہے۔