ورلڈ کپ میں شرکت کیلئے فینز اور صحافیوں کے بھارتی ویزوں کے معاملے پر پاکستان کرکٹ بورڈ نے انٹرنیشنل کرکٹ کونسل سے رابطہ کرلیا۔ذرائع کے مطابق پاکستان کرکٹ بورڈ نے انٹرنیشنل کرکٹ کونسل کو ای میل بھیجی ، جس میں مطالبہ کیا گیا ہے کہ آئی سی سی پاکستانی فینز اور صحافیوں کے ویزوں کےلیے اقدامات کرے۔ذرائع کے مطابق فینز اور صحافیوں کے ویزوں کے معاملے میں تاخیر پر پی سی بی نے آئی سی سی سے اظہار تشویش کیا اور آئی سی سی سے پاکستانی فینز اور صحافیوں کا معاملہ جلد از جلد حل کروانے کا مطالبہ کیا ہے۔یاد رہے کہ پاکستان کرکٹ ٹیم کو اگلے 6 روز میں ورلڈ کپ مہم کا آغاز کرنا ہے اور اس کا پہلا میچ نیدرلینڈز کے خلاف حیدرآباد کے راجیو گاندھی اسٹیڈیم میں شیڈول ہے۔
Facebook Comments
