سندھ ہائیکورٹ،فرحان ملک کی درخواست غیرموثر قرار۔۔

سندھ ہائی کورٹ نے میڈیا پرسن فرحان ملک کے خلاف ایف آئی آر کالعدم قرار دینے کی درخواست غیر موثر ہونے پر نمٹادی ،درخواست گزار کے وکیل نے کہا کہ فرحان ملک کے خلاف مقدمات بے بنیاد اور بدنیتی کی بنیاد پر درج کیے جارہے ہیں،مقدمات کے تسلسل سے اندازہ ہوا کہ اس میں تفتیشی افسر ذاتی طور پر بھی ملوث ہے۔ دوران سماعت ڈپٹی اٹارنی جنرل خلیق احمد نے عدالت کو آگاہ کیا کہ درخواست گزار کے خلاف درج مقدمے کے عبوری چالان پر متعلقہ عدالت نے اس پر کارروائی بھی شروع کر دی ہے ۔