خاتون میزبان کی صاحبزادی اداکارہ بن گئیں۔۔

خبریں ہیں کہ ٹی وی میزبان، گلوکارہ و اداکارہ عائشہ جہانزیب کی صاحبزادی جلد ہی ٹی وی اسکرین پر بطور اداکارہ جلوے بکھیرتی دکھائی دیں گی۔عائشہ جہانزیب کی بیٹی زوہا توقیر سے متعلق اطلاعات ہیں کہ وہ جلد ہی اے آر وائے ڈیجیٹل پر نشر ہونے والے ڈرامے سے مرکزی اداکارہ کے طور پر کیریئر کا آغاز کریں گی۔متعدد شوبز سوشل میڈیا پیجز کی جانب سے دعویٰ کیا گیا کہ عائشہ جہانزیب کی بیٹی زوہا توقیر اداکار فہد شیخ کے ہمراہ ٹی وی ڈرامے سے ڈیبیو کریں گی۔زوہا توقیر نے بھی فہد شیخ کے ساتھ تصاویر شیئر کرتے ہوئے ڈرامے میں اپنے کردار کشف اور اداکار کے کردار عبدالباری کا نام لکھا اور ساتھ ہی ٹی وی چینل کا ہیش ٹیگ بھی استعمال کیا۔ذرائع کے مطابق زوہا توقیر ذیشان زیدی کے ہدایت کردہ ڈرامے سے ڈیبیو کریں گی اور ڈرامے کی شوٹنگ جاری ہے۔فہد شیخ اور زوہا توقیر کی شوٹنگ کے دوران کھچوائی گئی تصاویر وائرل ہوگئیں اور مداحوں نے ان پر دلچسپ تبصرے کرتے ہوئے عائشہ جہانزیب کی بیٹی کے لیے نیک خواہشات کا اظہار کیا۔عائشہ جہانزیب کی بیٹی کی عمر 20 سال سے زائد ہے اور وہ انہیں پہلے شوہر سے ہے ہیں۔عائشہ جہانزیب خود نے بھی بطور ٹی وی میزبان کیریئر کا آغاز کیا تھا لیکن بعد ازاں وہ بھی ڈراموں میں کام کرتی دکھائی دیں، علاوہ ازیں وہ گلوکاری بھی کرتی ہیں۔اسی طرح ان کی بیٹی زوہا توقیر بھی بطور شریک ٹی وی میزبان پبلک ٹی وی کے پروگرام ’پبلک ڈمانڈ‘ میں میزبانی کر چکی ہیں۔یہ واضح نہیں ہے کہ عائشہ جہانزیب کی بیٹی کے پہلے ڈرامے کو کب تک ریلیز کیا جائے گا، تاہم ممکنہ طور پر اسے رواں سال کے اختتام تک پیش کردیا جائے گا۔