پی ایف یو جے نے پاکستان میں پیکا ایکٹ کے تحت درج ہونے والے مقدمات اور گرفتار یو ں ، حکومت آزاد کشمیر کی جانب سے روزنامہ جموں کشمیر کیخلاف مقدمہ درج کرنے اور بندش کی سازش کیخلاف تین روزہ آزادی صحافت مہم کا اعلان کر دیا ہے جبکہ سنٹرل یونین آف جر نلٹس ، کشمیر جرنلٹس فورم، یونین آف جر نلٹس اور اے کے این ایس سمیت آزاد کشمیر کے پریس کلبوں و دیگر تنظیموں نے پریس فریڈم مہم کی حمایت کا اعلان کر دیا ہے۔ پاکستان فیڈرل یونین آف جرنلسٹس کے صدر افضل بٹ اور سیکرٹری جنرل ارشد انصاری نے کہا ہے کہ تین روز ہ آزادی صحافت مہم کے سلسلہ میں 15اپریل کو یوم سیاہ منایا جائے گا۔ پاکستان و آزاد کشمیر کے تمام پریس کلبوں پر 15 اپریل کو سیاہ پر چم لہرائے و مظاہرے کئے جائیں گے ، یوم سیاد کے دوران پاکستان میں پیکا ایکٹ اور آزاد کشمیر حکومت کی میڈیا کش پالیسیوں کی مذمت کی جائے گی۔ آزادی صحافت مہم کے دوسرے روز سولہ اپریل کو روزنامہ جموں کشمیر پر مقدمہ کے خلاف پریس فیڈم مارچ کیا جائے گا۔ یہ پریس فریڈم مارچ نیشنل پریس کلب اسلام آباد سے قانون ساز اسمبلی مظفرآباد آزادکشمیر تک ہوگا۔ افضل بٹ اور ارشد انصاری ہے کہ بدھ کو صبح نوبجے نیشنل پریس کلب سلام آباد سے شروع ہونے والے پریس فریڈم مارچ میں سیکڑوں صحافی، میڈیا ورکرز شریک ہوں گے۔ علاوہ ازیں میرپور،بھمبر،ضلع کوٹلی کے پریس کلبوں و سنٹرل یونین آف جرنلٹس آزادکشمیر کے قافلے بھی نیشنل پریس کلب ااسلام آباد سے مارچ میں شریک ہوں گے اور براستہ مری کوہالہ پہنچیں گے جہاں پونچھ ڈویژن کے اضلاع راولاکوٹ، باغ ، سدھنوتی اور حویلی کے قافلے بھی پریس فریڈم مارچ میں شامل ہوجائیں گے اور قائدین کا خطاب ہوگا، بعدازاں پریس فریڈم مارچ آزاد جموں و کشمیر قانون ساز اسمبلی مظفرآباد کے سامنے پہنچے گا جہاں مظفر آباد ڈویژن کے اضلاع نیلم ویلی جہلم ویلی اور مظفر آباد کے قافلے بھی مارچ کا حصہ بن جائیں اور یہ مارچ پریس فریڈم دھرنے میں تبدیل ہو جائے گا۔پی ایف یوجے کی قیادت نے مزید کہا ہے کہ پاکستان و آزادکشمیر کے طول وعرض سے پہنچنے والے صحافی سولہ اپریل کو مظفرآباد اسمبلی کے سامنے چوبیس گھنٹوں کیلئے پریس فریڈم دھرنا دیں گے جب کہ سترہ پاریل کو احتجاجی جلسہ ہوگا جس میں سیاسی،سماجی ،تاجر اور صحافی رہنماا خطاب کریں گے اور آئندہ کے لائحہ عمل کا اعلان کیا جائے گا۔
