وزیر اطلاعات و ثقافت پنجاب عظمیٰ بخاری نے اسلام آباد پریس کلب کے نو منتخب عہدیداروں کو مبارکباد پیش کی ہے۔ اپنے بیان میں انہوں نے نومنتخب صدر رزاق سیال اور ان کی پوری باڈی کو کامیابی پر دلی مبارکباد دیتے ہوئے نیک تمناؤں کا اظہار کیا۔عظمیٰ بخاری نے کہا کہ امید ہے اسلام آباد پریس کلب کی نئی قیادت صحافی برادری کے مسائل کے حل اور ان کے پیشہ ورانہ حقوق کے تحفظ کو ترجیح دے گی۔ صحافی معاشرے کی آنکھ اور کان ہوتے ہیں اور ان کے مسائل کا حل ایک مضبوط اور فعال پریس کلب کے ذریعے ہی ممکن ہے۔ اسلام آباد پریس کلب ملکی صحافت میں ایک اہم اور مؤثر کردار ادا کرتا رہا ہے اور امید ہے کہ نئی باڈی اس روایت کو مزید مضبوط بنائے گی۔عظمیٰ بخاری نے نومنتخب عہدیداروں کے لیے نیک خواہشات کا اظہار کرتے ہوئے کہا کہ وہ صحافتی برادری کی خدمت اور صحافت کے فروغ کے لیے اپنی ذمہ داریاں احسن طریقے سے انجام دیں گے۔
